Windows 8 упершыню абагнала ў папулярнасці Windows XP

Аперацыйная сістэма Windows 8.x упершыню стала больш папулярнай за Windows XP.

Паводле звестак StatCounter, аперацыйная сістэма Windows 8.x стала нарэшце больш папулярнай за «выйшаўшую на пенсію» Windows XP. Дзель апошняй складае паводле вынікаў жніўня 14,32%, а агульная дзель Windows 8 і 8.1 - 15,53%. Праўда, свае пазіцыі не збіраецца здаваць і Windows 7, якой належыць 55,72% дэсктопнага рынку. Больш за тое, папулярнасць гэтай АС расце, піша onliner.by.

Апошні раз Windows XP удалося набраць дзель рынку ў чэрвені гэтага года, аднак аперацыйная сістэма паступова ўсё ж пакідае кампутары. Гэта адбываецца не гэтак хутка, як, магчыма, хацела б Microsoft. Найбольшы спад прыйшоўся на красавік, калі скончылася падтрымка АС для хатніх карыстальнікаў, у ліпені і жніўні таксама назіраецца спад цікавасці да Windows XP.

Продажы кампутараў апошнім часам не радуюць вытворцаў і, магчыма, гэта з'яўляецца адной з прычын павольнага пранікнення Windows 8.x на рынак. Акрамя таго, яна прыкметна адрозніваецца ад папярэдніц, што таксама адыграла адмоўную ролю ў яе распаўсюдзе.