Абама: Прэзідэнт РФ прымае пастанову глядзець назад, а не наперад

Прэзідэнт ЗША Барак Абама мяркуе, што Расея спрабуе ўсталяваць такі парадак у Еўропе, пры якім права належыць моцнаму.

Такое меркаванне кіраўнік Белага дома выказаў 29 жніўня падчас выступу ў амерыканскім горадзе Харыс (штат Нью-Ёрк), паведамляе ІТАР-ТАСС.

Са слоў Абамы, «азірнуўшыся на Еўропу, можна ўбачыць, што прэзідэнт Расеі прымае пастанову глядзець назад, а не наперад, а таксама робіць замах на суверэнітэт і тэрытарыяльную цэласнасць сваіх суседзяў, спрабуючы даказаць сцвярджэнне, што хто наймацнейшы, той і мае рацыю».

«Я магу зразумець, чаму многія адчуваюць неспакой», - прызнаў амерыканскі лідар.

«Галоўнае, што я хачу сказаць, заключаецца ў тым, што амерыканская ваенная перавага ніколі не была больш значнай у дачыненні да іншых дзяржаў», - сцвярджае ён.

Нагадаем, прэзідэнт ЗША Барак Абама запрасіў Прэзідэнта Украіны Пятра Парашэнку наведаць Белы дом у верасні.