Барозу: ЕЗ гатовы павялічыць дапамогу Кіеву на 1 млрд еўра
1- 30.08.2014, 14:04
- 4,356
ЕЗ гатовы выдзеліць Украіне больш за 1 млрд еўра ў выглядзе пазыкі ў бліжэйшыя месяцы.
Пра гэта заявіў прэзідэнт Еўракамісіі Жазэ Мануэл Барозу падчас сумеснай прэс-канферэнцыі з прэзідэнтам Украіны ў Брусэлі, паведамляе «Украінская праўда».
«ЕЗ таксама гатовы правесці донарскую канферэнцыю што да дапамогі Украіне ў канцы года», - заявіў Барозу.
Нагадаем, раней паведамлялася, што такая канферэнцыя можа адбыцца ў верасні.
Таксама, як адзначыў прэзідэнт Еўракамісіі, пасля часовай адмены падаткаў на ўкраінскія тавары з боку ЕЗ, украінскі экспарт у Еўрапейскі Звяз павялічыўся на 14%.
«Такая інфармацыя з'яўляецца вельмі паказальнай. ЕЗ часткова кампенсуе эканамічныя страты Украіны ад канфлікту з Расеяй», - заявіў Барозу.
«Макрафінансавая дапамога ЕЗ спрашчае нам правядзенне рэформаў і спрыяе захаванню стабільнасці...Трэцяя хваля макрафінансавай дапамогі - крытычна важная для нас», - адзначыў са свайго боку ўкраінскі прэзідэнт.
Нагадаем, 30 жніўня ў Брусэлі праходзіць саміт ЕЗ.
Адной з галоўных тэм сустрэчы з'яўляецца крызіс ва Украіне і рэакцыя на дзеянні Расеі.