Цягнікі метро будуць хадзіць часцей

Пачынаючы з 1 верасня інтэрвал руху цягнікоў па буднях у ранішнія і вячэрнія гадзіны пік скароціцца да 3 хвілін.

Яны ў метро наступаюць з 7:00 да 9:00 і з 16:00 да 19:00. Пасля 23:00 інтэрвал руху складзе да 12 хвілін. Расклад руху цягнікоў пасля 23:00 можна ўбачыць на інфармацыйных улётках, якія размешчаны на тарцах пасажырскіх платформаў, паведамляе БелаПАН. 

Першыя пасажыры могуць з'ехаць з канчатковых станцый «Уручча» і «Малінаўка» ўжо а 5:32 раніцы, а з «Магілёўскай» і «Каменнай Горкі» - а 05:33. Апошні цягнік з канчатковых станцый сыходзіць а 01:02.