Крамлёўскія СМІ ўдалі, хто збіў «Боінг» над Данбасам (Відэа)

Аналіз паведамленняў расейскіх СМІ пацвярджае, што «Боінг» збілі ваеўнікі.

Вядомы расейскі палітык Барыс Нямцоў разам з чальцом федэральнай палітрады руху «Салідарнасць» Леанідам Мартынюком прэзэнтаваў новае відэа з серыі «Хлусня пуцінскага рэжыму».

«У гэтым відэа мы знарок выкарыстоўвалі толькі заявы Пуціна, ягоных прыхільнікаў і падкантрольных яму СМІ, змясціўшы навіны ў храналагічным парадку», - напісаў расейскі апазіцыйны палітык у «Фэйсбуку».

Нагадаем, 17 ліпеня Boeing 777 кампаніі Malaysia Airlines пацярпеў катастрофу ў Данецкай вобласці Украіны праз абстрэл ваеўнікамі. Ён выконваў рэйс Амстэрдам - Куала-Лумпур. Тады загінулі 283 пасажыры і 15 чальцоў экіпажа.