Ахова Пуціна звіхнула руку дзяўчыне-інваліду

Дзяўчыну-вазочніцу груба затрымалі за спробу пад'ехаць да прэзідэнта РФ на закрыцці ЧС у дзюдо ў Чэлябінску.

Пра гэта паведамляе інфармацыйны рэсурс onpress.info.

Акрамя таго, што ахова Пуціна пашкодзіла дзяўчыне-інваліду руку, дык яе адвезлі ў бліжэйшае аддзяленне міліцыі, дзе правялі трохгадзінны допыт.

Гэты выпадак адбыўся 31 жніўня падчас закрыцця чэмпіянату свету ў дзюдо, які праходзіў у Чэлябінску. Дынару Мухатдзінаву затрымала ахова прэзідэнта, калі дзяўчына-інвалід першай групы спрабавала перадаць Пуціну пакет дакументаў, якія тычацца бесперашкоднага асяроддзя для інвалідаў горада.