Апублікаваныя паролі ад 5 мільёнаў скрынь Gmail

Невядомыя выклалі ў сетку адрасы электроннай пошты ў Gmail і паролі да скрыняў.

Карыстальнікі форуму Bitcoin Security, якія першыя паведамілі аб узломе, сцвярджаюць, што блізу 60% адрасоў з'яўляюцца дзеючымі, піша РБК са спасылкай на CNews.

Усяго выкладзеныя 4,93 мільёна адрасоў і пароляў да іх. Асаблівасць ўзлому Google заключаецца ў тым, што логіны да пошты адначасова з'яўляюцца кодам доступу да ўсіх сэрвісаў кампаніі.

«Спецыялісты кампаніі разбіраюцца, што адбылося ў гэтым выпадку», - паведаміла афіцыйная прадстаўніца Google Святлана Анурава, параіўшы карыстальнікам выбіраць складаныя паролі і прымяняць двухэтапную аўтэнтыфікацыю, якая не дазваляе атрымаць доступ да старонкі нават у выпадку крадзяжу пароля.

Напярэдадні Google папярэдзіў, што хакеры на службе неназванай дзяржавы хочуць узламаць паштовыя скрыні карыстальнікаў паштовай службы Gmail з Расеі. Рэдактар РБК атрымаў ад Google такое папярэджанне на наступны дзень пасля гучнай уцечкі: 7-8 верасня ў Рунэце былі апублікаваныя логіны і паролі прыкладна 2 млн карыстальнікаў пошты «Яндэкса» і Mail.ru.

Анурава патлумачыла, што гэта не новая ініцыятыва, а рэгулярная праверка. Зусім не абавязкова, што карыстальнікі падпалі нейкаму ўздзеянню - кампанія прымае пад увагу шмат разнастайных, часам вельмі нязначных, сiгналаў, дадала яна.

У кастрычніку 2012 года Google разаслаў дзесяткі тысяч такіх папярэджанняў, распавёў газеце The New York Times супрацоўнік каманды інфабяспекі Google Майк В’ясік. Тады яго атрымаў журналіст Ноа Шахтман, які напісаў летам 2012 года артыкул у часопісе Wired аб Яўгену Касперскім, «Лабараторыі Касперскага» і яе расследаванні дзеянняў віруса Stuxnet, які пашкодзіў іранскую ядзерную інфраструктуру.