Пінская міліцыя пра лозунг «Слава Украіне»: За такое пысай у зямлю пакладзем

Міліцыя пагражае пінчукам за лозунгі ў падтрымку суседняй краіны.

Пра гэта піша ў рэдакцыю charter97.org чытач.

«6 верасня ішлі ў Пінску кампаніяй міма міліцыі: яны тут ходзяць праз кожныя 10 метраў праз «Дажынкі». Адзін з нашых крыкнуў «Слава Украіне!» - а ў адказ да нас адразу падбеглі чацвёра супрацоўнікаў МУС, узялі ў нас пашпарты і сказалі: «Вы думаеце, што кажаце? Мы за такія словы можам лёгка пысай у зямлю пакласці. У наступны раз думайце». Вось такая ў нас свабода слова», - распавёў ён.

Нагадаем, у Пінску праходзяць рэгіянальныя «Дажынкі».