Гаварцова выйшла ў чвэрцьфінал на турніры ў Ташкенце

Беларуская тэнісістка Вольга Гаварцова выйшла ў чвэрцьфінал на турніры ў Ташкенце (прызавы фонд - $250 тыс).

Пра гэта паведамляе карэспандэнт БелТА.

Сёння ў паядынку другога раўнда беларуска, якая займае 114-е месца ў сусветным рэйтынгу, узяла верх над японскай тэнісісткай Місакі Доі (87-е месца ў рэйтынгу ВТА) - 4: 6, 6: 3, 6: 3. У першым раўндзе спаборніцтваў ва узбекскай сталіцы Вольга Гаварцова абыграла прадстаўніцу Расеі Маргарыту Гаспаран (222) - 6: 3, 6: 4.

Цяпер у паядынку за выхад у паўфінал Гаварцова сустрэнецца з італійкай Карын Кнап (89), якая сёння перамагла яшчэ адну беларускую тэнісістку Аляксандру Сасновіч (97) - 6: 2, 6: 3. У першым крузе ташкенцкага турніру Сасновіч аказалася мацнейшай за аўстралійскую тэнісістку Алівію Рагоўскую (111) - 3: 6, 6: 4, 6: 4.

У стартавым матчы парнага разраду Аляксандра Сасновіч у дуэце з беларускай Кацярынай Дзегалевіч абыграла ўзбекскіх тэнісістак Уладу Экшыбараву і Арыну Фольц - 6: 2, 6: 3. Вольга Гаварцова і полька Калудзія Янс-Ігнасік саступілі італійска-румынскаму тандэму Карын Кнап/Ірына-Камелія Бегу - 3: 6, 4: 6.

Турнір у Ташкенце фінішуе ў суботу, 13 верасня.