Дыяна Арбеніна назвала прычыны скасавання канцэртаў

Канцэрты вакалісткі групы «Начныя снайперы» ў Расеі касуюць з розных прычын.

Вакалістка гурта «Начныя снайперы» Дыяна Арбеніна запісала відэазварот, у якім пералічыла ўсе гарады, дзе яе канцэрты, запланаваныя ў рамках восеньскага гастрольнага тура, былі скасаваныя. Ролік быў апублікаваны на сэрвісе YouTube.

Спявачка патлумачыла, што выступу не атрымаецца правесці ў васьмі гарадах: Цверы, Курску, Белгарадзе, Арле, Валгаградзе, Казані, Кастраме і Ніжнім Ноўгарадзе. «Прычыны, праз якія гэта здарылася, вельмі розныя. Працякае дах, быў рамонт даху, пляцоўку раптам забіралі пад іншыя гарадскія патрэбы», - адзначыла спявачка ў роліку. Яна дадала, што «атрымалася адбараніць» канцэрты ў Варонежы, Самары, Іванава і Уладзіміры, піша Lenta.ru.

5 верасня быў скасаваны паэтычны вечар з удзелам лідэркі «Начных снайпераў», які павінен быў стаць адной з падзей фестывалю «Букмаркет» у Маскве. Канцэрт Арбенінай ва Уладзіміры, запланаваны на 15 кастрычніка, таксама быў пад пагрозай, бо мясцовыя актывісты ўгледзелі ў паводзінах спявачкі падтрымку дзейных на Украіне уладаў і сабралі подпісы супраць яе выступу. У выніку яго перанеслі на іншую гарадскую пляцоўку.