Яцанюк: Канчатковай мэтай прэзідэнта РФ з'яўляецца захоп усёй Украіны
16- 13.09.2014, 11:10
- 22,493
Цяпер жа Пуціну патрэбен калідор праз Адэскую вобласць у Прыднястроўе.
Прэм'ер-міністр Украіны Арсеній Яцанюк перакананы, што прэзідэнт РФ Уладзімір Пуцін хоча стварыць замарожаны канфлікт на Данбасе і калідор праз Адэскую вобласць у Прыднястроўе.
Пра гэта ён сказаў на 11-й Штогадовай сустрэчы Ялцінскай Еўрапейскай Стратэгіі (YES) у Кіеве, паведамляе УНІАН.
Яцанюк выказаў меркаванне, што канчатковай мэтай прэзідэнта РФ з'яўляецца захоп усёй Украіны.
«Ён не можа змірыцца з думкай, што Украіна стане часткай вялікай еўрапейскай супольнасці, ён хоча аднавіць Савецкі Саюз», - сказаў прэм'ер.
З ягоных слоў, першым этапам плана Пуціна была анэксія Крыма, другім - стварэнне замарожанага канфлікту на Данбасе, трэці крок - калідор праз Адэскую вобласць у Прыднястроўе.
«Спачатку Пуцін пастанавіў анэксаваць Крым, цяпер ён хоча, каб быў замарожаны канфлікт на Данбасе, па-трэцяе, ён захоча калідор праз Адэсу ў Прыднястроўе», - сказаў ён.