Затрыманы галоўны рэдактар украінскай газеты "Вести" (Відэа)

Галоўны рэдактар газеты, якую падазраюць у падтрымцы сепаратыстаў, быў затрыманы міліцыяй.

«Адцяснілі яго асабістую ахову, якая села ў машыну і рушыла ўслед за ім. Ёсць інфармацыя, што галоўнага рэдактара павезлі ў гараддзел на Маскоўскі праспект, 30», - гаворыцца ў паведамленні на сайце выдання.

Сам Ігар Гужва, каментуючы тое, што адбылося, сказаў, што гаворка ідзе аб парушэнні права на мірны мітынг, піша «Карэспандэнт».

Гужва быў дастаўлены ў Пячэрскі РУУС, дзе на яго складаюць пратакол за арганізацыю несанкцыянаванага мітынгу.

Сёння чытачы і журналісты «Вестак» праводзяць мітынг у Кіеве з патрабаваннем спыніць пераслед газеты.

11 верасня Служба бяспекі Украіны правяла ператрус у рэдакцыі выдання. Падставай для яго стаў артыкул 110, частка другая (замах на тэрытарыяльную цэласнасць) КаАП Украіны.