Папа Рымскі: У свеце ўжо ідзе Трэцяя сусветная вайна
- 13.09.2014, 17:14
- 10,379
Кіраўнік Каталіцкай царквы заявіў, што сучасныя канфлікты ў свеце ўжо прыраўноўваюцца да Трэцяй сусветнай вайны.
Пра гэта Францыск сказаў, выступаючы на воінскіх могілках у Італіі на цырымоніі, прысвечанай пачатку Першай сусветнай вайны. Пантыфік падкрэсліў, што цяперашняя "вайна" ірацыянальная, а яе прычыны - прагнасць, нецярпімасць і прага да ўлады, паведамляе BBC.
Раней Францішак заклікаў да заканчэння канфліктаў у Іраку, Сірыі, сектары Газа і краінах Афрыкі, аднак адзначыў, што разглядае, як законнае з боку сусветнай супольнасці прымяненне сілы супраць баевікоў з "Ісламскай дзяржавы".