«Газпром» адмовіўся тлумачыць прычыны зніжэння паставак у краіны ЕЗ

Экспэрты ўважаюць пастанову расейскай кампаніі за папярэджанне.

"Газпром", значна знізіўся аб’емы экспарту газу ў Еўропу, у каментары для Reuters адмовіўся патлумачыць прычыну скарачэння паставак. На гэтым тыдні Польшча і Славакія, якія выконваюць рэверсныя пастаўкі газу для Украіны, сутыкнуліся са зніжэннем паставак з боку расейскага манапаліста. Экспэрты выказалі здагадку: "Наспявае нешта вельмі нядобрае".

У суботу "Газпром" абвясціў, што не можа задаволіць заяўку Польшчы, якая блізкая да максімальных аб'ёмаў паставак, прадугледжаных кантрактам. Прадстаўнік канцэрна заявіў Reuters, што можа паставіць толькі аб'ём, "блізкі да дзённага мінімуму (паводле кантракту)". Таксама скарачэнне паставак на 10% зафіксавалі ў Славакіі, праз якую праходзіць асноўны аб'ём экспартаванага ў Еўропу газу, піша NEWSru.com.

Славакія пачала пастаўкі газу на Украіну ў пачатку верасня. На мінулым тыдні рэверсныя пастаўкі Кіеву са Славакіі былі выведзеныя на максімальны ўзровень у 26,2 млн куб м у дзень, што тэарэтычна дазваляе Украіне атрымліваць праз гэты маршрут 30% ад сваіх гадавых патрэбаў ў імпартным газе. У "Газпроме" раней заяўлялі, што захавалі аб'ём паставак на ранейшым узроўні.

Экспэрты выказалі здагадку, што Расея, "адымаючы" з экспарту аб'ёмы газу, прызначаныя для Украіны, пасылае сігнал Еўразвязу пра гатоўнасць рэагаваць на новыя санкцыі. Напярэдадні ЗША абвясцілі пра наступнае пашырэнні санкцыйнага спісу, у яго трапіў і "Газпром".

Фактычна "Газпром" паступова дамагаецца спынення рэверсу на Украіну, проста не падвышаючы аб'ёмы да ўзроўню заявак еўрапейскіх кліентаў, і на фоне невялікага сезоннага росту спажывання газу тыя вымушаны адмаўляцца ад рэверсу, тлумачыў "Коммерсант".

Кіраўнік МЗС Славакіі Міраслаў Лайчак заявіў, што рэверсныя пастаўкі "адбываюцца на падставе падпісаных кантрактаў, і мы будзем выконваць свае абавязанні". Абавязанні Славакіі палягаюць у выдачы трубаправодных магутнасцяў, газ пастаўляе ў асноўным нямецкая RWE. Прэм'ер Украіны Арсеній Яцэнюк заклікаў Еўракамісію праверыць сітуацыю з рэверсам, заявіўшы, што "Расея выкарыстоўвала і выкарыстоўвае газ як адзін з тыпаў зброі".

Міністр энэргіі Румыніі Разван Нікалеску ў суботу паведаміў, што напярэдадні "Газпром" паведаміў аб зніжаных аб'ёмах паставак і гэтую краіну: на 9% у суботу і на 5% у нядзелю.