Топ-6 папулярных міфаў пра здароўе

Ці так неабходна выпіваць па шклянцы вады ў дзень і займацца «дэтаксікацыяй»?

Некаторыя нібыта навуковыя звесткі ўкараніліся ў калектыўным несвядомым, аднак іх справядлівасць зусім не даказаная, піша «Папулярная механіка».

1. Неабходна выпіваць восем шклянак вады ў дзень

Пра гэта многія чулі, але ніхто не ведае, адкуль узялася гэтая «норма». І чаму менавіта вады, а не гарбаты ці соку? На самой справе гэта сцвярджэнне не падмацаванае навуковымі звесткамі. Верагоднай яе крыніцай можа быць састарэлая рэкамендацыя Амерыканскага нацыянальнага даследчага савета (NRC) ад 1945, згодна з якой дарослыя павінны спажываць 1 мілілітр вады для кожнай калорыі ежы ў суткі.

2. Цукар робіць дзяцей гіперактыўнымі

Многія бацькі перакананыя, што ўжыванне ў ежу салодкіх прадуктаў павышае актыўнасць іх дзяцей. Аднак гэта не так: у 1996 годзе было праведзена даследаванне, падчас якога 12 дзецям давалі цукар і плацэба. У выніку ў іх паводзінах не было знойдзена цалкам ніякіх адрозненняў.

3. Трэба праводзіць дэтаксікацыю арганізма

Ёсць мноства праграм і прадуктаў, прызначаных, як мяркуюць, для «дэтаксікацыі». Але ці трэба нам гэта? Вядома, мы жывем у «таксічным» свеце. Аднак як толькі таксіны назапашваюцца, печань выводзіць іх з арганізма без усякай старонняй дапамогі. Калі таксіны паступаюць з вадкасцю, іх выводзяць ныркі.

4. Ужыванне антыаксідантаў падаўжае жыццё

Насуперак распаўсюджанай думцы, таблеткі, якія змяшчаюць антыаксіданты, такія, як вітамін А і Е, не толькі не дапамагаюць арганізму, але і могуць быць шкодныя ў залішняй колькасці. На жаль, старэнне арганізма - комплексны працэс і распаўсюджванне свабодных радыкалаў, з якімі закліканы змагацца антыаксіданты, гэта толькі яго следства, а не прычына.

5. Залішняя вага скарачае жыццё

Вядома, атлусценне вельмі шкоднае для здароўя. Індэкс масы цела больш за 40 павялічвае рызыку развіцця дыябету, хвароб сэрца і некаторых відаў раку. Аднак, як паказаў нядаўні агляд амаль ста даследаванняў з удзелам трох мільёнаў чалавек, усё далёка не так страшна, як мяркуецца. Згодна з гэтым аглядам, тыя, што пакутуюць на залішнюю масу цела, мелі на 30% менш шанцаў памерці ад сардэчна-сасудзiстых захворванняў, чым людзі з нармальнай масай цела.

6. Мы павінны харчавацца, як пячорныя людзі

Наш арганізм прыстасаваны для ўжывання ежы, якую нашы далёкія продкі маглі здабыць на паляванні або сабраць, ці не так? Аднак чалавек эвалюцыянаваў, навучыўся весці сельскую гаспадарку і да дыеты «пячорнага стагоддзя» яму вяртацца няма патрэбы. Тое, што чалавек генетычна «запраграмаваны» на ежу, якую можна здабыць толькі паляваннем або збіраннем, не больш чым міф.