На ўсходзе Украіны адбудзецца новы абмен палоннымі

14 верасня адбудзецца чарговы абмен палоннымі ўкраінскімі сілавікамі з тэрарыстамі з так званай «ДНР».

Пра гэта заявіў намеснік кіраўніка інфармацыйна-аналітычнага цэнтра Рады нацыянальнай бяспекі і абароны Украіны Уладзімір Палявы, піша «Украінская праўда».

«Сёння адбудзецца чарговы абмен», - сказаў ён.

Пры гэтым ён не ўдакладніў канкрэтную колькасць палонных, якую стораны перададуць адзін аднаму і паабяцаў паведаміць аб выніках абмену пазней.

Раней тэрарысты заяўлялі, што абмен палоннымі ў фармаце «65 на 65» можа быць перанесены на 15 верасня.