Менчукоў спытаюць, ці патрэбныя кандыцыянеры ў транспарце

Спачатку кандыцыянеры ў аўтобусах сталіцы будуць працаваць у парадку эксперыменту.

Затым «Сталічны транспарт» плануе правесці апытанне пасажыраў: ці прыйшлася па душы навінка, паведамляе БелТА.

«Магчыма, гараджане падтрымаюць прымяненне іншых тэхнічных развязванняў для паляпшэння вентыляцыі ў салоне», - сказаў дырэктар дзяржаўнай установы «Сталічны транспарт і сувязь» Валер Шкуратаў.

Згодна з раней праведзеных апытанняў, жыхары Менска мяркуюць, што верхнія люкі пры неабходнасці павінны адчыняцца цалкам, а не прыўздымацца над дахам аўтобусаў як цяпер, а фортачкі мець большы памер.

Больш зручнымі для пасажыраў плануюць зрабіць і прыпыначныя павільёны. Са слоў Валерыя Шкуратава, сёння большасць гараджан сышліся ў меркаванні, што канструкцыі на прыпынках дрэнна абараняюць ад ветру, дажджу і снегу. Для таго каб развязаць гэтую праблему, у наступным годзе будзе абраны распрацоўшчык новых прыпыначных пунктаў. Разглядаюцца магчымасці абсталяваць канструкцыі такім сучасным абсталяваннем як сэнсарная-панэль, пры дапамозе якой можна атрымаць інфармацыю аб руху транспарту, сістэмай відэаназірання, усталяваць банкамат або інфакіёск. Верагодней за ўсё, асаблівыя павільёны ў якасці эксперыменту ўсталююць у месцах з высокім пасажырапатокам.