Міліцыя Салігорска шукае аўтараў графіці пра Пуціна

Праваахоўныя органы высвятляюць, хто зрабіў надпісы з крытыкай прэзідэнта Расеі.

У прыватнасці, як піша «Наша Нiва», у міліцыю што да гэтага пытання ўжо выклікалі моладзевага актывіста Андрэя Цянюту.

Два тыдні таму чытач charter97.org з Салігорска даслаў у рэдакцыю сайта фатаграфіі надпісаў, якія з'явіліся ў горадзе.

Беларусы неаднаразова выказвалі салідарнасць з украінцамі, выкарыстоўваючы вядомую крычалку футбольных фанатаў пра Пуціна як на фестывалях, так і ў выглядзе графіці на сценах будынкаў у нашай краіне.