Андрэй Парубій: Мэтай Пуціна застаецца захоп васьмі абласцей Украіны
3- 15.09.2014, 9:46
- 11,849
Улады Расеі працягнуць дэстабілізаваць сітуацыю на паўднёвым усходзе Украіны.
Пра гэта былы сакратар Рады нацыянальнай бяспекі і абароны Андрэй Парубій сказаў у эфіры тэлеканала «Интер», паведамляюць "Украинские новости".
«Планы Пуціна не спыняцца тут: яму цяпер выгадна замарозіць канфлікт, таму так шмат сваіх дзеячаў ён перакінуў з Прыднястроўя сёння на Данбас... Ягоная мэта - тыя самыя 8 паўднёва-ўсходніх абласцей, ягоная мэта - дэстабілізацыя. І мы знаходзім факты, калі тыя самыя людзі, якія збіралі «цітушак» на Майдане, якія ўздымалі расейскія сцягі, сёння ўжо выходзяць з нібыта сацыяльнымі лозунгамі для таго, каб разбалансаваць [сітуацыю] у абласцях», - падкрэсліў Парубий.
На ягоную думку, адна з асноўных задач украінскіх уладаў - мабілізаваць міжнародную супольнасць для эканамічнага ціску на Расею.