Менскі паўмарафон сабраў амаль 3500 удзельнікаў
- 15.09.2014, 11:25
- 3,802
Лёгкаатлетычныя спаборніцтвы ў бегу, якія праходзілі ў цэнтры беларускай сталіцы, сабралі вялікую колькасць удзельнікаў.
Ва ўсіх відах праграмы - эстафеце 4 па 4 км, карпаратыўным забегу на 4 км, паўмарафоне - удзельнічалі амаль 3,5 тыс бегуноў. Напрыклад, толькі каманда Беларускага дзяржаўнага тэхналагічнага ўніверсітэта выставіла 500 чалавек і стала пераможцам у намінацыі «Самая крэатыўная каманда», заваяваўшы Кубак старшыні Мінгарвыканкама. Прычым трафей дружына атрымлівае другі год запар. Сярод мужчын на паўмарафонскай дыстанцыі першым фінішаваў Ілля Славенскі з Гомеля, а сярод жанчын - Марына Даманцэвіч з Наваполацку, піша minsknews.by.
Пераможцы спаборніцтваў на паўмарафонскай дыстанцыі атрымалі па 5 млн рублёў.