Аліна Кабаева сыходзіць з Дзярждумы

Камітэт Дзярждумы паводле рэгламенту рэкамендаваў ніжняй палаце задаволіць просьбу дэпутаткі Аліны Кабаевай («Адзіная Расія») аб датэрміновым спыненні паўнамоцтваў.

Кіраўнік камітэта Сяргей Папоў паведаміў «Інтэрфаксу», што такая пастанова была прынятая на пасяджэнні камітэта ў панядзелак.

«Гэта звязана з пераходам на іншую працу», - удакладніў ён.

Акрамя таго, са слоў Папова, камітэт паводле рэгламенту рэкамендаваў задаволіць аналагічныя звароты аб датэрміновым спыненні паўнамоцтваў дэпутатаў Дзярждумы Аляксандра Багамаза і Віктара Зубарава (абодва «Адзіная Расія»).