Беларусы змогуць ездзіць у Ізраіль без віз ужо ў канцы снежня
21- 15.09.2014, 14:11
- 12,168
Скасаванне візавага рэжыму прыпадзе прыкладна на 19 снежня.
Як паведаміў, сёння амбасадар Ізраіля ў Беларусі Іосіф Шагал, 19 верасня чакаецца падпісанне ў Менску дакумента аб беларуска-ізраільскім бязвізавым рэжыме, паведамляе БелТА.
Бязвізавы рэжым паміж Беларуссю і Ізраілем увойдзе ў дзеянне праз 90 дзён са дня падпісання дакумента.
«Мяркую, што скасаванне візавага рэжыму прыпадзе дзесьці на 19 снежня, плюс-мінус адзін-два дні», - сказаў Шагал.
Пагадненне прадугледжвае свабодны ўезд у РБ і Ізраіль са знаходжаннем не больш за 180 дзён у годзе.
Бязвізавы рэжым будзе тычыцца толькі ўладальнікаў грамадзянскіх, але не дыпламатычных і службовых пашпартоў.