Віталя Васількова арыштавалі на 10 дзён
- 15.09.2014, 16:00
- 4,349
Актывіста «Змены» Віталя Васількова абвінавацілі ў «дробным хуліганстве» і «непадпарадкаванні супрацоўнікам міліцыі».
Суддзя Наталля Дзядкова вынесла пастанову - пакараць актывіста адміністратыўным арыштам на 10 дзён.
Віталь Васількоў знайшоўся толькі сёння ў судзе Партызанскага раёна Менска, пасля таго як сувязь з ім перапынілася яшчэ 12 верасня. Выходныя ён правёў у пастарунку, паведамляе ПЦ «Вясна».
12 верасня былі затрыманыя актывісты «Змены» Павел Вінаградаў і Ягор Віняцкі.
У той жа дзень, 12 верасня, суд Маскоўскага раёна сталіцы арыштаваў Паўла Вінаградава на 15 дзён, абвінаваціўшы ў «брыдкаслоўі». Ягор Віняцкі таксама быў арыштаваны на 15 дзён.