Bild: ЕЗ рыхтуе новыя жорсткія санкцыі супраць Расеі
10- 15.09.2014, 16:00
- 13,859
Еўрапейскі звяз можа ўзмацніць санкцыі супраць Расеі і сепаратыстаў на ўсходзе Украіны.
Пра гэта паведамляе нямецкае выданне Bild са спасылкай на сакрэтны пратакол сустрэчы амбасадараў краін-чальцоў ЕЗ, піша «Украінская праўда».
У прыватнасці, гаворка ідзе аб магчымасці адхілення Расеі ад правядзення чэмпіянату свету ў футболе 2018 года, а таксама аб прызнанні так званых ДНР і ЛНР тэрарыстычнымі арганізацыямі.
Канчатковая пастанова, паводле інфармацыі выдання, павінна быць прынятая на пасяджэнні камітэта ЕЗ у палітыцы бяспекі 23 верасня.
Нагадаем, 12 верасня ўвайшоў у дзеянне новы пакет санкцый ЕЗ.