Беларускі рынак ноўтбукаў ўпаў на 30%

Добра калі паводле вынікаў года рынак выйдзе на продажы ў памеры 150 тысяч каробак.

Са слоў прадстаўніка найбуйнейшага дыстрыбутара кампутарнай тэхнікі, у канцы 2013 года аналітыкі рабілі прагноз на 2014 і ацэньвалі рынак Беларусі ў памеры 220-250 тысяч ноўтбукаў у год. Рэальнасць жа сур'ёзна падкарэктавала гэты прагноз. Са слоў Арцёма Кібрыка, добра калі паводле вынікаў года рынак выйдзе на продажы ў памеры 150 тысяч каробак, піша «Ежедневник».

Як уважае эксперт, на падзенне рынку ноўтбукаў істотны ўплыў зрабіў сегмент планшэтаў, які хутка расце, а таксама спецыфічныя эканамічныя ўмовы ў Беларусі.

«Рынак ацэньваўся зыходзячы з леташняй сітуацыі, але мы не можам прадугледзець усе эканамічныя і іншыя фактары, якія дзейнічаюць у пэўны момант як у краіне, так і ў свеце. Неспакойна ў свеце, неспакойна ў эканоміцы, таму канчатковы спажывец не асоба імкнецца марнаваць грошы на абнаўленне прылад», - заявіў Арцём Кібрык.

Свой уплыў на рынак зрабіў і Указ Лукашэнкі №361, які стварыў для беларускіх імпарцёраў нявыгадныя ўмовы працы. Аднак, як кажа Арцём Кібрык, дзеянне ўказа на рынак ноўтбукаў быў не істотным. Буйныя дыстрыб'ютары, як АСС, цалкам могуць сабе дазволіць выключыць з абарачэння частку сродкаў для выплаты ПДВ, які вернецца толькі праз тры месяцы, а дробным кампаніям беларускія банкі прапануюць цалкам прымальныя крэдыты для развязвання праблемы. Усё гэта дазваляе зрабіць так, каб на канцавым кошце для спажыўца дзеянне ўказа не адбілася.

На падзенне рынку ноўтбукаў у Беларусі паўплываў і той факт, што многія вытворцы часткова пераарыентаваліся на вытворчасць мабільных дэвайсаў і сталі менш гнутка рэагаваць на спажывецкі попыт ноўтбукаў. А вось тыя, хто па-ранейшаму трымае руку на пульсе на фоне агульнага падзення, наадварот расце.

Так, напрыклад, кампанія DELL у гэтым годзе здолела павялічыць сваю прысутнасць на беларускім рынку з 2% да 9%, а паводле вынікаў года збіраецца замацавацца на адзнацы 10%.

Як заявіў на прэзентацыі новай лінейкі ноўтбукаў маркетынг менеджэр Dell ва Украіне і СНД Андрэй Савенюк, кампанія па-ранейшаму імкнецца задаволіць усе патрэбы спажыўцоў у сферы ноўтбукаў. Новая лінейка ноўтбукаў Dell Inspirion і ультрабукаў Vostro 5478 на платформе Intel разлічаная як на школьнікаў, так і на прэміяльных карыстальнікаў. Са слоў Андрэя Савенюка, менавіта шмат у чым дзякуючы сямейству Inspirion кампанія змагла павялічыць сваю прысутнасць на рынку Беларусі, бо гэта найбольш шырока прадстаўлены мадэльны шэраг наўтбукаў Dell.

Эксперты пакуль не бяруцца прагназаваць, як рынак будзе развівацца далей. Сітуацыя з продажам ноўтбукаў у Беларусі занадта няўстойлівая і ўсё будзе залежаць ад спажывецкага попыту.