Унікальнае даследаванне Каложскай царквы правёў студэнт з Гародні
3- 18.09.2014, 9:06
- 10,128
Алесь Перагудаў разам з сябрам перапісаў і сістэматызаваў знакі, знойдзеныя на сценах будынка.
Работа каштавала ім некалькі дзён вольнага часу, аднак, як высветлілася, такога даследавання да іх ніхто не рабіў. Аб сваім даследаванне Алесь Перагудаў распавёў budzma.org.
- Я цікаўлюся гістарычнай спадчынай Гародні, у тым лiку гэтай жамчужынай Гарадзеншчыны - Каложскай царквой. Я шмат чытаў пра яе і даведаўся, што адной з самых яркіх асаблівасцяў царквы з'яўляюцца знакі на плінфе. Як лічаць навукоўцы і даследчыкі, гэта знакі майстроў, якія ставілі іх на яшчэ не апаленай плінфе. Гэта, магчыма, іх знак якасці. Я сутыкнуўся з тым, што пра гэтыя знакі многія казалі. Іх замалёўваў яшчэ ў XIX стагоддзі, аднак агульнага пошуку і фіксацыі ўсіх знакаў ніхто не рабіў.
- Адкуль узялася ідэя даследаваць Каложу і гэтыя знакі?
- Шчыра кажучы, гэта не мая ўласная ідэя. Яе мне падкінуў гарадзенскі гісторык Андрэй Вашкевіч. Ён мне прапанаваў, і я з вялікай радасцю згадзіўся. І калі быў вольны час у канцы лета, я некалькі дзён прысвяціў пошукам і знайшоў больш за 110 знакаў на плінфе. Блізу 50 звонку і крыху больш за 50 усярэдзіне. Трэба ўдакладніць, што я не прафесійны гісторык, я толькі вучуся гэтай спецыяльнасці. Сярод знакаў, што я тут знайшоў, некаторыя перавернутыя. Гэта сведчыць аб тым, што будаўнікі, якія клалі плінфу, не надавалі вялікай увагі ім.
Маладыя людзі мяркуюць, што іх праца, якая з'явілася ў выглядзе невялікай брашуры з пазнакамі да кожнага знака, будзе цікавая ўсім гарадзенцам.