Дырэктар адправіў сваю сям'ю на адпачынак за кошт прадпрыемства
8- 18.09.2014, 10:22
- 16,404
Прадпрыемству нанесеная шкода на суму блізу 50 млн рублёў.
Слуцкім раённым аддзелам Следчага камітэта завершанае папярэдняе расследаванне крымінальнай справы ў дачыненні да былога дырэктара КУП «Будінвест-Слуцк», паведамілі charter97.org у СК.
Абвінавачваны, выкарыстоўваючы свае службовыя паўнамоцтвы з карыслівай зацікаўленасці, з мэтай пазбегнуць матэрыяльных затрат, звязаных з турыстычнымі паездкамі за мяжу ягонай сям'і, атрыманнем ім каштоўных падарункаў і грашовых узнагарод, сістэматычна даваў незаконныя ўказанні галоўнаму бухгалтару рабіць плацяжы з рахункаў прадпрыемства. У выніку неправамерных дзеянняў дырэктара прадпрыемству нанесеная шкода на суму блізу 50 млн рублёў.
Дзеянні былога кіраўніка кваліфікаваныя следствам паводле ч. 2 арт. 424 Крымінальнага кодэкса Беларусі (злоўжыванне службовымі паўнамоцтвамі, што пацягнула прычыненне шкоды ў буйной суме). Нанесеная прадпрыемству шкода кампенсаваная цалкам. Накладзены арышт на маёмасць абвінавачанага на суму звыш 1,7 млрд рублёў.
Крымінальная справа перададзеная ў пракуратуру для накіравання ў суд.