«Газпрам» не мае намеру павялічваць пастаўкі газу ў ЕЗ

Расейскі манапаліст зніжае прагноз здабычы газу.

«Газпрам» пакуль не бачыць магчымасці задавальняць патрэбнасці Еўропы ў дадатковых аб'ёмах паліва. Аднак экспарцёр зможа выканаць заяўкі на павелічэнне паставак ад еўрапейскіх кліентаў па меры росту запасаў газу ў падземных сховішчах Еўропы, што належаць Газпрому, сцвярджае Forbes са спасылкай на Reuters.

Славакія, Польшча, Румынія і Аўстрыя ў верасні скардзіліся на скарачэнне патокаў газу з Расеі, якая, адключыўшы газ Украіне за даўгі, выклікала ў кліентаў з ЕЗ асцярогі ў тым, што пастаўкі паліва на захад могуць быць спыненыя, як гэта было ў 2006 і 2009 гадах.

«Газпром» ажыццяўляе стабільныя дзённыя пастаўкі еўрапейскім спажыўцам, мы цалкам ідзем у нашых кантрактных абавязацельствах. Гаворка (у запытах краін ЕЗ) ішла аб так званых дадатковых аб'ёмах», - сказаў кіраўнік кампаніі Аляксей Мілер на сустрэчы з прэзідэнтам РФ Уладзімірам Пуціным.

Пуцін спецыяльна ўдакладніў, што «Газпрам» вядзе цяпер пастаўкі ў адпаведнасці з кантрактамі, але не гатовы прапампоўваць дадатковыя аб'ёмы. «Так, менавіта так», - сказаў Мілер.

Гэта ж пацвердзіў у сераду і прадстаўнік Еўракамісіі, які на ўмовах ананімнасці паведаміў журналістам, што «Газпрам» карэктуе аб'ёмы паставак, аднак не выходзіць за прадугледжаныя кантрактамі дыяпазоны.

Еўракамісія мяркуе, што запасы газу ў сховішчах на сёння дазваляюць забяспечыць попыт, аднак чыноўнікі ЕЗ занепакоеныя далейшым развіццём сітуацыі.