Экзіт-пол: 53% шатландцаў - супраць незалежнасці
13- 18.09.2014, 16:18
- 12,326
Прыхільнікі незалежнасці пакуль прайграюць рэферэндум у Шатландыі.
Паводле звестак экзіт-пола, праведзенага брытанскім агенцтвам маркетынгавых даследаванняў Ipsos MORI, 53% тых, хто прагаласаваў на ім у першай палове дня, выказаліся супраць выхаду са складу Вялікай Брытаніі, паведамляе Reuters.
Рэферэндум пачаўся ў чацвер а 7 раніцы паводле мясцовага часу і будзе доўжыцца да 22 вечара.
Жыхарам Шатландыі трэба будзе развязаць пытанне аб далейшым існаванні 307-гадовага саюза з Брытаніяй. На рэферэндум вылучанае адно пытанне: «Ці павінна Шатландыя стаць незалежнай краінай?». У выпадку станоўчага адказу большай частцы шатландскіх выбаршчыкаў - 24 сакавіку 2016 Шатландыя будзе абвешчаная незалежнай.