«Жанчыны стаміліся нараджаць салдат»: шыкоўны антываенны кліп знялі ў Чэлябінску (Відэа)

Музыкі з Чэлябінска праспявалі частку песні на ўкраінскай мове, а з Кіева - на расейскай.

У расейскім горадзе Чэлябінску адбылася прэм'ера антываеннага музычнага кліпа.

«Жанчыны стаміліся нараджаць салдат» - так аўтары назвалі свой твор. У стварэнні кліпа ўдзельнічалі Чэлябінскія і кіеўскія музыкі, а таксама італійскі блюзавы гітарыст Рудзі Рота.

Расейскія музыкі выканалі частку песні на ўкраінскай мове, а ўкраінскія - на расейскай, піша korrespondent.net.

Завяршаецца кліп масавым запускам у неба паветраных балонікаў колераў расейскага і ўкраінскага сцягоў.