Выстава Ай Вэйвэя адкрыецца ў турме Алькатрас

У пераўтвораным у музей будынку амерыканскай турмы Алькатрас адкрыецца выстава кітайскага мастака і дысідэнта.

Пра гэта паведамляе Lenta.ru са спасылкай на The New York Times.

ПраектLarge: Ai Weiwei on Alcatraz, арганізаваны арт-прадзюсарам For-Site, будзе праходзіць з 20 верасня да 26 красавіка 2015 года ў будынках блока А, сталовай, лякарні і пральні знакамітай турмы. Падтрымку выставе аказала дабрачынная арганізацыя Amnesty International.

Часткай экспазіцыі будуць 176 партрэтаў «вязняў сумлення» і палітычных выгнаннікаў, выкананых з 1,2 мільёна дэталяў канструктара Lego. Сярод іх - Нэльсан Мандэла, тыбецкі поп-выканаўца Лола і Эдвард Сноўдэн. Сам мастак не змог прыбыць на мантаж выставы, не будзе яго і на адкрыцці. Ён знаходзіцца пад хатнім арыштам у Пекіне. Са сваёй майстэрні ён дыстанцыйна кіраваў дзеяннямі сотні валанцёраў, якія збіралі экспанаты ў ЗША.

Як мастак Ай Вэйвэй заявіў пра сябе ў сярэдзіне 1990-х, разбіўшы вазу дынастыі Хань. На другі вазе той жа дынастыі ён намаляваў лагатып Coca-Cola. Пазней мастак пераключыўся на стварэнне маштабных інсталяцый з мэблі, цэглы, ровараў, крышталяў. Кампанія Fake Design, якая належыць Вэйвэю, удзельнічала ў распрацоўцы праекта стадыёна «Птушынае гняздо» да Алімпіяды 2008 года ў Пекіне.

Вядомая таксама грамадская дзейнасць Ай Вэйвэя, якая ўважаецца за прычыну пераследу мастака з боку кітайскіх уладаў. У 2008 годзе Вэйвэй быў збіты паліцыяй за тое, што публікаваў у Twitter звесткі аб карупцыі ў будаўнічым бізнэсе, якая стала прычынай масавых ахвяраў землятрусу ў Сычуані. З 2011 года да сапраўднага часу мастак знаходзіцца пад хатнім арыштам у абвінавачванні ў эканамічных злачынствах.