Гародніну, рыбу і адзенне можна будзе купіць у адным месцы
9- 18.09.2014, 20:06
- 9,140
У суботу, 20 верасня, у Менску пачынаецца сезон прадуктовых кірмашоў у выходныя.
Цэнтральны кірмаш паводле традыцыі размесціцца каля Палаца спорту на праспекце Пераможцаў. Тут з 10 да 17 гадзін будуць прадаваць гародніну, кансерваваную і мясную прадукцыю, свежую сажалкавую і азёрна-рачную рыбу, піша «Комсомольская правда в Беларуси».
У гэты ж час тут жа, каля Палаца спорту, будзе працаваць і нехарчовы кірмаш - першая стокавая. Айчынныя вытворцы абяцаюць прадаваць адзенне, абутак ды іншыя тавары коштам на 40 - 60% ніжэйшым, чым у крамах.
Кірмашы, дзе можна набыць плодаагароднінную прадукцыю, будуць арганізаваныя і ва ўсіх раёнах горада.
У суботу:
- У Ленінскім раёне - на скрыжаванні пр-та Ракасоўскага і вул. Пляханава з 10.00 да 16.00,
- У Маскоўскім - на пляцоўцы на пр-тыя Газеты «Праўда», 40, з 9.00 да 15.00,
- У Кастрычніцкім - на вул. Барамзіной, 10а, з 9.00 да 16.00,
- У Партызанскім - на бульвары Трактарабудаўнікоў, з 9.00 да 17.00,
- У Першамайскім - пляцоўка на вул. Русіянава, 1, з 10.00 да 16.00,
- У Фрунзенскім - ля Лядовага палаца на вул. Прытыцкага, з 10.00 да 16.00.
У суботу і ў нядзелю кірмашы будуць працаваць у трох раёнах:
- У Заводскім - на пляцоўцы перад «Чыжоўка-Арэнай» на вул. Ташкенцкай, з 10.00 да 16.00,
- У Савецкім - у парку Дружбы народаў, з 9.00 да 15.00,
- У Цэнтральным - каля кінатэатра «Кіеў» на вул. Кахоўскай, з 10.00 да 16.00.
Кірмашы сельскагаспадарчай прадукцыі ў выхадныя будуць праходзіць амаль два месяцы, але графік і пляцоўкі ў раёнах могуць мяняцца.