Кангрэс ЗША падтрымаў узбраенне паўстанцаў у Сірыі

Абедзве палаты Кангрэсу ЗША ўхвалілі план надання дапамогі сірыйскім паўстанцам у барацьбе з рухам «Ісламская дзяржава».

Пра гэта прэзідэнт ЗША Барак Абама заявіў пасля галасавання ў Сэнаце ў чацвер, 18 верасня, піша Lenta.ru.

Паводле ягоных слоў, якія падае Reuters, магутная падтрымка плана, які прадугледжвае ўзбраенне і трэніроўку ўмеранай сірыйскай апазіцыі, давялі, што грамадзяне ЗША адзіныя ў супрацьстаянні ІД. «Больш за 40 краін, уключаючы Арабскі свет, цяпер прапанавалі сваю дапамогу ў рамках гэтай кааліцыі», - дадаў ён.

17 верасня Палата прадстаўнікоў Кангрэсу ЗША ўхваліла дакумент, аўтарам якога з'яўляецца старшыня камітэта ў справах узброеных сіл палаты, рэспубліканец Говард Макеён. Цяпер план павінен падпісаць прэзідэнт ЗША.

Раней прадстаўнікі Пентагона заявілі, што ў выпадку ўхвалення плана ён можа пачаць рэалізоўвацца ў 2015 годзе. У трэніроўках, як чакаецца, будуць задзейнічаныя 5000 сірыйцаў. У Вашынгтоне разлічваюць, што праграма дапаможа ў барацьбе з тэрарыстамі з групоўкі ІД.

Барак Абама 11 верасня падаў новую стратэгію барацьбы супраць ІД. Ён заявіў, што не стане ўводзіць у Ірак амерыканскія войскі, замест гэтага ВПС ЗША ўзмоцняць інтэнсіўнасць паветраных удараў. Пры гэтым Абама паведаміў, што Вашынгтон мяркуе стварыць і ўзначаліць шырокую кааліцыю ў барацьбе з баевікамі ў Сірыі і Іраку.