Японія адклала ўвядзене санкцый супраць Расеі

Новыя санкцыі ўсё ж не касуюцца, пра іх змест будзе абвешчана пазней.

Урад Японіі пастанавіў скарэктаваць свой ранейшы намер абвясціць пра новыя санкцыі ў дачыненні да Расеі ў сувязі з сітуацыяй вакол Украіны. Адтэрміноўка робіцца для таго, каб лепш прасачыць за рэакцыяй Масквы. Пра гэта ІТАР-ТАСС паведамілі дасведчаныя крыніцы ў Токіё.

Паводле іх звестак, новыя санкцыі ўсё ж не касуюцца, пра іх змест будзе абвешчана пазней.

Раней урад Японіі заявіў аб намеры ўвесці ў пятніцу дадатковыя санкцыі супраць Расеі.

Новы пакет санкцый, паводле інфармацыі японскай газеты «Іёміуры», будзе ўключаць у сябе 19 пунктаў. У прыватнасці, будзе пашыраны чорны спіс асобаў, якім забаронены ўезд у Японію, і чые актывы падлягаюць замарозцы. Абмежаванні таксама могуць закрануць энэргетычны і фінансавы сектары. Акрамя таго, разглядаецца магчымасць пераносу візіту ў Японію прэзідэнта РФ Уладзіміра Пуціна, прызначанага на восень 2014 года.

Раней Японія ўжо ўводзіла санкцыі супраць Расеі, першы пакет быў прыняты 18 сакавіка. Падставай для абмежавальных захадаў паслужыла пазіцыя Расеі аб Крыме. Тады былі прыпыненыя расейска-японскія кансультацыі аб аблягчэнні візавага рэжыму, а таксама адкладзеныя перамовы пра шэраг супольных праектаў.