На кожным памежным пункце Беларусі з'явяцца беспілотнікі

Бліжэйшыя некалькі гадоў на кожны памежным пункце будзе пастаўлены на ўзбраенне беспілотны лятальны апарат.

Пра гэта заявіў старшыня Дзяржпамежкамітэта Беларусі Леанід Мальцаў падчас пасяджэння Кансультатыўнай рады, піша БелТА.

"Беспілотнік дазволіць фіксаваць абстаноўку на даручанай дзялянцы мяжы пры ўсялякіх варунках надвор'я, перадаваць інфармацыю, прытрымліваючыся пры гэтым зададзенага маршруту», - растлумачыў старшыня.

Акрамя таго, у Дзяржпамежкамітэце вядзецца праца для закупкі аўтажыраў і абсталявання імі кожнага памежнага атрада і памежнай групы. Такі лятальны апарат адрозніваецца высокай манеўранасцю, яму патрабуецца значна больш кароткі разбег для ўзлёту і ён здольны да пасадкі без прабегу або з прабегам ўсяго некалькі дзесяткаў метраў.

"Да таго ж гэтыя апараты здольныя вісець на адным месцы пры моцным сустрэчным ветры. Шырокі агляд і значна меншая, чым у гелікоптэрах вібрацыя робяць іх вельмі зручнымі для назірання за рэжымнымі тэрыторыямі з паветра. Немалаважным фактарам для ўкаранення гэтых тэхнічных навінак ў памежнай службе стала іх эканамічная эфектыўнасць", - дадалі ва ўстанове.

Не адмовяцца памежнікі і ад выкарыстання гелікоптэраў, якія для развязання задач аховы Дзяржаўнай мяжы Беларусі выдаюцца Міністэрствам надзвычайных сітуацый і Мінабароны.

Таксама на пасяджэнні было адзначана, што ўкараненне сістэмы электронных чэргаў у пунктах пропуску выходзіць на стадыю практычнай рэалізацыі.

"На прапанову з месцаў прынятая пастанова аб забеспячэнні зваротнай сувязі з грамадзянамі, у тым ліку з дапамогай онлайн-кансультавання на інфармацыйным партале Дзяржпамежкамітэта аб правілах перасячэння мяжы, наведвання памежнай зоны і іншых актуальных пытаннях памежнага заканадаўства", - растлумачылі ў камітэце.

Старшыня Дзяржпамежкамітэта акцэнтаваў увагу на пытаннях, звязаных з прыцягненнем мясцовага насельніцтва памежных тэрыторый да аховы мяжы. Паводле яго слоў, актыўная грамадзянская пазіцыя беларусаў, пільнасць, жаданне дапамагаць памежнікам можа быць адзначаная і матэрыяльна.