Мінгандлю прапаноўвае разагрэць рынак таннымі крэдытамі
4- 19.09.2014, 17:34
- 7,953
Мінгандлю Беларусі прапанаваў у чарговы раз кінуць айчыннаму вытворцу выратавальны круг у выглядзе будучых даходаў насельніцтва.
Як вынікае з паведамлення ведамства, гаворка ідзе аб аднаўленні на ўвесь 2015 праграмы льготнага спажывецкага крэдытавання на куплю тавараў «Зроблена ў Беларусі», піша АФН.
Мінгандлю РБ не ўдакладняе, што такое льготныя крэдыты ў разуменні ведамства.
Праграма падтрымкі мясцовых вытворцаў за кошт разагрэву ўнутранага попыту з дапамогай танных спажывецкіх крэдытаў была запушчаная яшчэ да перавыбрання Лукашэнкі на 4 тэрмін, і ўсе яшчэ добра памятаюць, чым скончыліся эксперыменты ў разгоне эканомікі за кошт штучнага падвышэння попыту: праграма была ліквідаваная ў траўні 2011 года пасля першага этапу маштабнай дэвальвацыі нацыянальнай валюты.
У 2011 годзе беларускі рубель дэвальваваўся амаль у 3 разы.