На тэлефоны беларусаў прыходзяць SMS з віруснымі спасылкамі

Android-смартфоны беларусаў падпалі пад вірусную атаку.

На тэлефоны карыстальнікаў сталі прыходзіць SMS з тэкстам «Прывітанне. Табе фота» з электронным адрасам спасылкі. Прычым такое паведамленне можна атрымаць як з незнаёмых, так і са знаёмых нумароў. У выпадку, калі карыстальнік пераходзіць па спасылцы і ўстанаўлівае прапанаваную праграму, шкоднасная сістэма атрымлівае доступ да асабістай інфармацыі. Так, будуць аўтаматычна адпраўленыя такія ж SMS усім кантактам, якія захоўваюцца ў тэлефоне. У той жа час аператары не нясуць адказнасці за налічэнне платы за паслугу адпраўкі такіх паведамленняў, бо SMS-тэксты абанентаў не адсочваюцца, піша агенцтва «Менск-навіны».

- Падчас майскай «эпідэміі» сталі паступаць званкі ад кліентаў з пытаннямі накшталт: «За што з майго рахунку спісана 100, 200, 300 тысяч рублёў?», - распавядае кіраўнік прэс-службы кампаніі «МТС» Таццяна Курбат. - Сёння мы заўважылі ў Інтэрнэце інфармацыю аб тым, што сітуацыя са шкоднаснай праграмай паўтараецца. Аднак у call-цэнтр абаненты не звярталіся. Магчыма, справа ў тым, што IT-спецыялісты кампаніі пасля інцыдэнту ўсталявалі магутныя фільтры супраць гэтай праграмы.

Як адзначыла Таццяна Курбат, тады кампанія «МТС» была адзіным аператарам, які вярнуўся грошы кліентам, якія папаліся на выкрут махляроў.

- На самай справе абанент можа абараніць сваю інфармацыю сам. І ніхто лепш за яго самога гэтага зрабіць не можа. Для гэтага дастаткова адключыць магчымасць усталявання праграмаў з невядомых крыніц (адключэнне ў меню «Бяспека» налады тэлефона - проста зніміце галачку), ніколі не згаджайцеся на ўстаноўку праграм не з Google Play, - раіць Курбат.