Славакія пачала рэверс газу ва Украіну
8- 2.09.2014, 9:59
- 6,636
Сёння са Славакіі ва Украіну пачынаюцца камерцыйныя пастаўкі газу ў рэверсным рэжыме праз рэканструяваны трубаправод Вояны-Ужгарад.
Пра гэта паведаміў прадстаўнік аператара газатранспартнай сістэмы Славакіі - кампаніі Eustream Ваграм Чугуран. З ягоных слоў, афіцыйны пачатак камерцыйных паставак газу ва Украіну ў рэверсным рэжыме праз трубаправод Вояны-Ужгарад запланаваны на 12:00 2 верасня, паведамляе тэлеканал «112 Украина».
Запланаваны аб'ём паставак газу - 27 млн кубаметраў газу ў дзень або блізу 10 млрд у год. Кошт газу па рэверсіўным пастаўкам са Славакіі - $360 за 1 тыс кубаметраў.