Навукоўцам атрымалася перадаць паведамленне пры дапамозе «тэлепатыі»

Тэхналогія «счытвання» мазгавых хваль выкарыстоўваецца сёння ўжо паўсюдна, пачынаючы ад кампутарных сімулятараў і заканчваючы кіраваннем вайсковай тэхнікай «сілай думкі».

Цяпер тэхналогія пайшла яшчэ далей. Навукоўца з Індыі перадаў паведамленне свайму калегу ў Францыі, выкарыстоўваючы «сілу думкі». Са слоў даследнікаў, гэты выпадак стаў першым, калі людзі здолелі абмяняцца паведамленнямі фактычна наўпрост «з мозгу ў мозг», паведамляе РІА Новости са спасылкай на The Daily Mail.

У доследах навукоўцамі выкарыстоўвалася гарнітура для зняцця электраэнцэфалаграмы (ЭЭГ). Яна была неабходная для запісу электрычнай актыўнасці нейронаў у мозгу і канвертацыі слоў Hola («Прывітанне») і Ciao («Пакуль») у дваякі код.

З дапамогай ЭЭГ навукоўцы могуць суадносіць электрычныя імпульсы ў мозгу з думкамі. Калі да гэтага інфармацыя, якая вырабляецца чалавекам, пасылала сігналы кампутара, то ў гэтым выпадку было вырашана падключыць да працэсу перадачы дадзеных іншага чалавека.

Падчас эксперыменту «ментальнае паведамленне» у выглядзе прывітання было адпраўлена добраахвотнікам з Тыруванантапурама (Індыя) у Страсбург (Францыя). Там кампутар «перавёў» паведамленне, а затым з дапамогай электрычнай стымуляцыі перадаў яго другому падыспытнаму. Гэта паведамленне з'явілася ў выглядзе светлавой успышкі ў куце агляду бачання атрымальніка. Святло з'яўлялася ў такой паслядоўнасці, якая дазволіла адрасату расшыфроўваць атрыманую інфармацыю.

Пасля даследчыкі правялі аналагічны эксперымент з удзелам двух добраахвотнікаў з Гішпаніі і Францыі. Як адзначылі навукоўцы, доля памылак склала ўсяго 15 адсоткаў. З іх 5 працэнтаў прыходзілася на этап кадавання і 10 працэнтаў - на этап расшыфроўкі.

Са слоў аўтараў праекту, яны чакаюць, што ўжо ў недалёкай будучыні чалавечы мозг зможа наўпрост узаемадзейнічаць з кампутарамі.

Гэтая тэхналогія была распрацаваная ў рамках супрацоўніцтва паміж кампаніямі Axilum Robotics, Starlab Barcelona, універсітэтам Барселоны і медыцынскай школай ў Гарвардзе.