У ЕЗ хочуць забараніць ўезд Шайгу і замарозіць ягоныя актывы
22- 2.09.2014, 16:16
- 14,193
Прадстаўнікі шэрагу краін Еўрапейскага звязу прапанавалі ўключыць кіраўніка Мінабароны Расеі Сяргея Шайгу ў санкцыйны спіс.
Пра гэта паведамляе Reuters са спасылкай на дыпламатычныя крыніцы.
Прапануецца забараніць Сяргею Шайгу ўезд на тэрыторыю Еўрапейскага звязу і замарозіць ягоныя актывы ў Еўропе, піша gazeta.ru.
Раней міністр замежных спраў Італіі Федэрыка Магерыні распавяла, што 5 верасня будзе прынятая пастанова аб пакеце новых санкцый супраць Расеі.
У чэрвені Еўрапейскі Звяз унёс у санкцыйны спіс дырэктара ФСБ Аляксандра Бортнікава, кіраўніка Службы замежнай выведкі Міхаіла Фрадкова, кіраўніка Чачні Рамзана Кадырава, губернатара Краснадарскага краю Аляксандра Ткачова і сакратара Рады бяспекі Расеі Нікалая Патрушава.