У Расеі пачаліся маштабныя вайсковыя вучэнні Усход-2014
6- 20.09.2014, 10:13
- 9,710
У першы дзень вучэнняў ў паветра паднімуцца гелікоптэры армейскай авіяцыі Мі-8 і Мі-24, якія выканаюць мінаванне з паветра.
Экіпажы вайскова-паветраных сілаў Расеі прыступілі да выканання вучэбна-баявых задач у рамках вучэнняў Усход-2014, паведамляе ў суботу ўпраўленне прэс-службы і інфармацыі Мінабароны РФ.
У першы дзень вучэнняў ў паветра паднімуцца гелікоптэры армейскай авіяцыі Мі-8 і Мі-24. Яны выканаюць мінаванне з паветра, дэсантаванне і падтрымку тактычнага паветранага дэсанту. У гэты час знішчальнікі МіГ-31 і Су-27 будуць прыкрываць сілы флоту, якія выконваюць задачы ў акваторыях Ціхага акіяна, Ахоцкага і Японскага мораў.
«Экіпажы Вайскова-паветраных сілаў прыступілі да выканання вучэбна-баявых задач на палігонах Усходняй вайсковай акругі па ўсебаковаму забеспячэнню авіяцыйнай падтрымкі груповак наземных войскаў у рамках правядзення стратэгічнага камандна-штабнога вучэння «Усход-2014», - гаворыцца ў паведамленні.
У вучэннях бяруць удзел стратэгічныя бамбавікі-Ракетаносцы Ту-95МС, далёкія бамбардзіроўшчыкі Ту-22М3, самалёты-запраўшчыка Іл-78, вайскова-транспартныя самалёты Іл-76 і Ан-12 і самалёты далёкага радыёлакацыйнага выяўлення А-50. Авіяцыйную падтрымку войскаў на палігонах УВА забяспечваюць гелікоптэры армейскай авіяцыі Мі-8, Мі-24 і Ка-52, франтавыя бамбавікі Су-24, штурмавікі Су-25, знішчальнікі МіГ-31 і Су-27, а таксама найноўшыя шматфункцыянальныя авіяцыйныя комплексы Су- 34, Су-30см і Су-35С.
Буйнамаштабныя стратэгічныя камандна-штабныя вучэнні Усход-2014 праходзяць на тэрыторыі Усходняй вайсковай акругі (Далёкі Усход і Усходняя Сібір) з 19 да 25 верасня, цягам папярэдняга тыдня тут праводзіліся раптоўная праверка боегатоўнасці і мабілізацыйная праверка грамадзянскіх ведамстваў.
Усход-2014 завяршаюць комплекс вучэнняў і праверак 2014 года.
Нагадаем, у канцы жніўня падраздзяленні супрацьпаветранай абароны Цэнтральнай вайсковай акругі правялі стральбу з зенітных ракетных сістэм на палігоне Капусцін Яр пад Астраханню. У манеўрах удзельнічалі блізу дзвюх тысяч вайскоўцаў і 700 адзінак тэхнікі.
