Школьнік з Гародні ўявіў сябе сабакам пасля выпаленага «спайса»
13- 20.09.2014, 15:14
- 21,656
На прыпынку Кляцкова ў Гародні мінакі выклікалі хуткую дапамогу для 15-гадовага хлопца, які знаходзіўся ў неадэкватным стане.
Відавочцы распавялі медыкам, што школьнік бегаў, крычаў і вішчаў як падбітая сабака.
Лекары звярнулі увагу на стан падлетка (ён мармытаў лухта, зрэнкі былі пашыраныя, твар вельмі бледны) і западозрылі ў яго атручэнне наркатычнымі рэчывамі. Вызначыўшы ягоны стан як сярэдняй ступені цяжкасці, яны даставілі школьніка ў дзіцячую бальніцу ў аддзяленне таксікалогіі, піша 5min.by.
Там яму палепшала. Лекар-рэаніматолаг пры апытанні хлопца высвятліў, што той накіроўваўся на ўрокі ў школу. Па дарозе ён сустрэў прыяцеля, які і прапанаваў «курнуць». Прызнаўся, што паспрабаваў упершыню.
Зрабіўшы выснову, што падлетак накурыўся спайсу, яго паклалі ў рэанімацыйнае аддзяленне пад кропельніцы. Узятыя аналізы вызначаць дакладны склад невядомага рэчыва, што дазволіць паставіць заключны дыягназ.
Ягоны «сябар» у бальніцу не патрапіў.