19-гадовы гарадзенец скраў з крамы віскі на 5,5 млн

Хлопец два дні запар выносіў з крамы спіртное.

19-гадовы гарадзенец зайшоў у гіпермаркет «Еўраопт» у абед 17 верасня. Ён прыхапіў з сабой бутэльку каньяку і тры бутэлькі віскі на суму больш за 5,5 мільёна рублёў. Пра гэта сайту charter97.org паведамілі ва УУС Гарадзенскага аблвыканкама.

Аднак недалёка ад месца злачынства яго ўжо чакалі супрацоўнікі міліцыі. Высветлілася, хлопец днём раней скраў з гэтай ж крамы яшчэ адну бутэльку каньяку. Зламысніка затрымалі.

Крымінальную справу распачалі паводле ч. 2 арт. 205 КК Беларусі (крадзеж) і ч.1 арт. 14 (замах на злачынства).