General Motors адклікала з рынку 200 тысяч аўтамабіляў

У гэтых аўтамабіляў выяўлена няспраўнасць у працы электроннага прыпынкавага гамавальніка.

Найбуйнейшы амерыканскі аўтавытворца General Motors абвясціў аб чарговым адкліканні аўтамабіляў з сусветнага рынку. Гэтым разам сэрвісная акцыя закранае седаны Cadillac XTS мадэляў 2013 і 2014 гадоў і Chevrolet Impala 2014-2015 мадэльных гадоў. General Motors адзначае, што ў гэтых аўтамабіляў выяўленая няспраўнасць у працы электроннага прыпынкавага гамавальніка. Блізу 205 тысяч аўтамабіляў з дэфектам былі прададзеныя ў ЗША, яшчэ 16 тысяч - у іншых краінах, піша ІТАР-ТАСС.

Аўтавытворца заявіў, што яму невядома пра якія-небудзь інцыдэнты, выкліканыя няспраўнасцю, і паабяцаў бясплатна адрамантаваць аўтамабілі, якія падлягаюць адкліканню.

З пачатку года кампанія адклікала праз розныя праблемы ўжо амаль 30 мільёнаў аўтамабіляў.