Мінгандлю прапаноўвае вярнуць ільготныя крэдыты

Міністэрства гандлю Беларусі прапанавала аднавіць льготнае спажывецкае крэдытаванне фізічных асоб для набыцця тавараў беларускіх вытворцаў.

Гэтае крэдытаванне было ўведзена ў жніўні 2009 года і, відавочна, з'яўляецца адной з прычын валютнага крызісу 2011 года, у траўні якога яно было скасаванае, піша select.by.

Цяпер Міністэрства гандлю, відавочна, не думае пра магчымы ўплыў ільготнага крэдытавання на валютны рынак. Мінгандлю турбуе чаканае зніжэнне аб'ёмаў раздробленага тавараабароту, што прагназуецца ў другой палове гэтага года.

Гэта зніжэнне з'яўляецца адносным, так як яно тлумачыцца высокім тэмпамі росту раздробленага тавараабароту ў пачатку года (за восем месяцаў гэтага года гэты паказчык павялічыўся на 9,7%, хоць на цэлы год планаваўся ягоны рост на 3,5%). Не выключана, што Мінгандлю разлічвае такім чынам павялічыць і попыт на тавары беларускай вытворчасці.

На думку Мінгандлю, вызначальны ўплыў на паказчык робяць рэальныя наяўныя грашовыя даходы насельніцтва, якія павялічыліся за першыя сем месяцаў 2014 на 3,6% да адпаведнага перыяду мінулага года.

У гэтай сувязі Мінгандлю выйшаў ва ўрад з прапановай аднавіць льготнае спажывецкае крэдытаванне куплі айчынных тавараў у 2015 годзе ў адпаведнасці з указам ад 6 ліпеня 2009 №371. Цяпер гэта пытанне прапрацоўваецца з Мінфінам з улікам магчымасцей рэспубліканскага бюджэту.

Увядзенне льгот запатрабуе павелічэння бюджэтных выдаткаў, так як за кошт бюджэту павінны кампенсавацца страты банкаў пры выдачы ільготных крэдытаў. Так, у 2009 годзе гэтыя крэдыты падаваліся паводле стаўкі 10% гадавых, а банкам кампэнсавалі розніцу паміж гэтай велічынёй і паўтарачнай велічынёй стаўкі рэфінансавання Нацбанка.

Права выдаваць падобныя крэдыты мелі «Ашчадны банк», «Беларусбанк», «Белаграпрамбанк», «Беларускі банк развіцця і рэканструкцыі «Белінвестбанк» і «Белпрамбудбанк». Набыць на льготныя крэдыты можна было толькі тавары беларускай вытворчасці, наяўныя ў спецыяльным пераліку, устаноўленым Саўмінам.