У Берасці немагчыма купіць квіткі на цягнікі
- 23.09.2014, 16:03
- 6,090
Прычына - непаладкі з сістэмай продажу квіткоў у Менску.
Аб праблемах рэдакцыі сайта charter97.org паведаміў чытач Аляксандр.
«Не працуюць ужо паўдня кампутары на берасцейскім чыгуначным вакзале. Нельга ўзяць квіткі па броні і на іншыя дні. Прадаюцца квіткі толькі на тыя цягнікі, якія адпраўляюцца сёння», - піша ён.
У берасцейскім аддзяленні чыгункі рэдакцыі charter97.org факт паломкі сістэмы пацвердзілі, а са скаргамі параілі звяртацца ў Менск.
«Так, сапраўды абцяжараны продаж квіткоў у касах. Гэта ў Менску «паляцела» нейкая праграма, вам туды трэба звяртацца, бо праз іх цяпер ніхто не можа купіць квіткі», - паведамілі ў прыёмнай.