За паўгода Беларусь прадала нафтапрадуктаў на $6,5 млрд

Выручка ад экспарту нафтапрадуктаў у студзені-ліпені 2014 знізілася на 2,9% у параўнанні з аналагічным перыядам 2013 года.

Яна склала $6,541 млрд, паведамляе АФН са спасылкай на Нацыянальны статыстычны камітэт.

У студзені-ліпені 2014 на экспарт было пастаўлена 8,611 млн тон нафтапрадуктаў, што на 4,3% менш, чым за аналагічны перыяд 2013 года.

Экспарт у краіны па-за СНД у студзені-ліпені 2014 упаў на 12,2% і склаў 5,409 млн тон і ў грашовым выразе знізіўся на 10,5% да $3,852 млрд.

Пастаўкі ў краіны СНД выраслі на 12,9% да 3,202 млн тон, у вартасным выражэнні - на 10,8% і склалі $2,689 млрд.