Пад санкцыі Японіі патрапілі Ашчадбанк і ВТБ

МЗС Японіі апублікаваў спіс расейскіх кампаній, на якія распаўсюджваюцца новыя санкцыі Токіо.

Пад абмежаванні патрапілі Ашчадбанк, Газпрамбанк, Рассельгасбанк, ВТБ і Знешэканомбанк. Пра гэта паведамляе РІА Новости са спасылкай на МЗС Японіі. Пра тое, што японскі ўрад прыняў новыя санкцыі супраць Расеі, стала вядома 24 верасня, аднак спіс кампаній, што трапілі пад іх, не выдаваўся.

Расейскі МЗС, у сваю чаргу, заявіў пра «расчараванні» дзеяннямі Токіо. Замежнапалітычнае ведамства заявіла, што разглядае іх як «несяброўскі крок».

Абвастрэнне стасункаў паміж Расеяй і Японіяй адбылося на фоне далучэння Крыма да Расеі і канфлікту на ўсходзе Украіны. Японія падтрымала пазіцыю Захаду і ўвяла санкцыі супраць Расеі.