Кошты на Brent зніжаюцца трэці дзень запар

Кошты на нафту Brent зніжаюцца трэці дзень запар за кошт высокай прапановы і слабых эканамічных паказчыкаў.

Пра гэта паведамляе РБК са спасылкай на Reuters.

Да 07:50 паводле менскага часу ф'ючэрсы на Brent патаннелі на 0,41 дал да 96,44 дал за барэль, а ф'ючэрсы на WTI - на 0,24 дал да 91,32 дал за барэль.

Нягледзячы на нечакана высокі паказчык вытворчай актыўнасці ў Кітаі, кошты на нафту не змаглі падняцца праз слабую статыстыку Еўропы і рост паставак нафты з Ірака і Нігерыі.

"Цэны на нафту не атрымалі падтрымкі з боку апублікаваных учора вытворчых паказчыкаў Кітая, бо за імі рушылі ўслед слабыя вытворчыя паказчыкі Еўропы", - сказаў аналітык кампаніі OptionsXpress у Сіднэі Бэн Ле Бруна.

Справаздача, якая з’явілася ў аўторак, паказала запаволенне росту вытворчай актыўнасці ў Нямеччыне і Францыі і зніжэнне коштаў вытворцаў 30-ы месяц запар у верасні.

"На рынку ў гэты момант дзейнічаюць супрацьлеглыя фактары. Галоўны момант - гэта вельмі добрае забеспячэнне рынку", - сказаў Ле Бруна.

Ірак і Нігерыя павышаюць экспарт, а Лівія з нядзелі павялічыла здабычу на 14% да 800 тысяч барэляў у дзень, аднавіўшы здабычу на радовішчы эль-Шарара.

Запасы нафты ў ЗША знізіліся на 6,5 млн барэляў на мінулым тыдні, паводле звестак Амерыканскага інстытута нафты, пры прагнозе павышэння на 400 тысяч барэляў.

Нагадаем, 22 верасня кошт нафтавага кошыка АПЕК абрынуўся ніжэй за адзнаку 94,5 дал/бар, абнавіўшы свой мінімум з ліпеня 2012 года.