Samsung больш не будзе пастаўляць ноўтбукі ў Еўропу
14- 24.09.2014, 17:05
- 13,236
Пастанова кампаніі звязаная з падзеннем попыту.
Паўднёвакарэйская кампанія Samsung наважыла спыніць пастаўку ноўтбукаў і хромбукаў у краіны Еўропы праз падзенне попыту на прадукцыю, паведамляе ПРАЙМ са спасылкай на PC Advisor.
«Мы працягнем вывучаць рынкавыя ўмовы і ўносіць далейшыя карэкціроўкі для падтрымання канкурэнтаздольнасці ў катэгорыях ПК, якія развіваюцца», - заявіў прадстаўнік кампаніі.
Такім чынам Samsung рушыла ўслед прыкладу японскай Sony, якая ў лютым 2014 абвясціла аб продажы бізнэсу ў выпуску персанальных кампутараў Vaio.
Да сакавіка 2014 японская карпарацыя спыніла распрацоўку і продаж прылад пад маркай Vaio. Пастанова Sony спыніць выпуск ноўтбукаў прывяла да звальнення 5 тысяч супрацоўнікаў.